Kommunal- og moderniseringsdepartementet har via Vestland fylkeskommune tildelt midlar til kommunale næringsfond for å motverke negative verknadar av koronavirusutbrotet.
Alver kommune
Alver kommune har fått to millionar kroner frå krisepakka til regjeringa til eit ekstraordinært næringsfond.
Søknadsfristen er 1. oktober.
Her finn du meir informasjon og søknadsskjema
Osterøy kommune
I samband med statleg Covid-19 krisepakke, har Vestland fylkeskommune tildelt Osterøy kommune ei tilskotsramme på kr 1 222 123 som skal delast ut som eit ekstraordinært kommunalt næringsfond.
Søknadsfrist er 25. oktober.
Gulen kommune
Gulen kommune har fått ei særskild tildeling på kr 422 816 til næringsutviklingstiltak gjennom krisepakke 3. Det er lagt opp til at søknader som kjem inn før 1. oktober vert behandla samla. Ordninga i Gulen vil gjelde til heile løyvinga er nytta.
Søknad skal sendast gjennom www.regionalforvaltning.no.
Fedje kommune
Fedje kommune har fått løyvt kr 526 430,- i ekstra næringsfond frå staten i samband med koronapandemien.
Første søknadsfrist er 4. oktober, dersom det er meir igjen etter første søknadsfrist vert søknader fortløpande behandla inntil midlane er brukt opp.
Søknad sendast gjennom www.regionalforvaltning.no.
Modalen kommune
I samband med krisepakke fase 3 frå Kommunal og moderniseringsdepartementet har Modalen kommune motteke kr. 357 243,- frå Vestland fylkeskommune som er øyremerkt kommunale næringsfond.
Søknadar må sendast gjennom www.regionalforvaltning.no
Austrheim kommune
Kommunal- og moderniseringsdepartementet har via Vestland fylkeskommune tildelt kr. 900.000 som eit eingongstilskot til det kommunale næringsfondet i Austrheim kommune.
Søknadsfrist var 1. september.